A especial devoçom de Carvalho por Castelao prova-se na enorme quantidade de trabalhos que dedicou ao intelectual, político e artista. Reunidos em volume monográfico (Escritos sobre Castelao, Compostela: Sotelo Blanco, 1989, 305 pp.) ou salpicando incontáveis artigos de imprensa, por vezes coletados em volume específico e noutros casos integrados em conjuntos, com estudos vários, evidenciam tamém como se filia o pensamento de Carvalho no de Castelao no que se refere à língua galega. É a mesma concepçom de que procede precisamente o malditismo em que caiu Carvalho diante dos poderes emanados da ditadura. Tal elementar coincidência é a que se exibe nesta selecta mínima de 4 artigos, recolhidos da versom em livro, depois de terem passado todos em primeira publicaçom por La Voz de Galicia. Castelao aparece reintegrado no lugar de referência nom só de Carvalho, mas de toda tradiçom galeguista nom deturpada, a que recolhe D. Ricardo e a que convoca as atividades desta Cátedra que tal mestre incontornável patrocina. O nosso propósito será acender nova chama sobre os rescaldos da generosa tradiçom que nos lega.
Cátedra Institucional Carvalho Calero — USC
[da Apresentaçom em Cadernos da Cátedra Carvalho Calero #1]
Descarregue aqui o primeiro volume dos Cadernos editados pola Cátedra, lançado na ocasiom do evento de inauguraçom que decorreu no dia 23 de setembro.